स्वास्थ्य बीमा बोर्डका निर्देशक डा रघुराज काफ्लेले राजीनामा दिएका छन् । नेपाल सरकारले शुरु गरेको स्वास्थ्य वीमा कार्यक्रम संकटमा परेको समयमा कार्यकारी निर्देशक काफ्लेले पदबाट राजीनामा दिएका हुन ।
बिज्ञापन
वीमा वोर्डले अर्वको भुक्तानी अड्काएका कारण स्वास्थ्य वीमा नै संकटमा परेको समयमा वीमा वोर्डका कार्यकारी निर्देशक काफ्लेले राजीनामा दिएका हुन । माघ १ गतेदेखि मात्र मासिक करोडौं घाटा खाएर स्वास्थ्य वीमा गर्न नसक्ने भन्दै त्रिवि शिक्षण अस्पतालले सो सेवाबाट हात झिकेको थियो ।
बिज्ञापन
स्वास्थ्य वीमा बोर्डका अनुसार सूचीकृत स्वास्थ्य संस्थालाई ११ अर्बभन्दा बढी भुक्तानी दिन बाँकी छ । तर अर्थ मन्त्रालयले यही मोडलमा बीमा कार्यक्रम चल्ने हो भने थप अनुदान दिन नसक्ने स्पष्ट पारेको छ । सरकारले आवश्यक सहयोग नगर्दा बीमा कार्यक्रम नै संकटमा परेको छ ।
लामो समयदेखि बिमितको उपचार गरेवापतको रकम भुक्तानी नपाएपछि अस्पतालहरूले स्वास्थ्य बीमा कार्यक्रम धमाधम बन्द गर्न लागेको समयमा कार्यकारी निर्देशक काफ्लेले पदबाट राजीामा दिएका छन् । त्रिवि शिक्षण अस्पताललाई मात्र स्वास्थ्य वीमा वोर्डले ४० करोड रुपैयाँ भुक्तानी गर्न बाँकी छ । अस्पतालले १६ पुसमा स्वास्थ्य बीमा बोर्डलाई पत्र पठाउँदै बाँकी ३८ करोड ९५ लाख ९७ हजार रुपैयाँ तत्काल भुक्तानी गर्न र अस्पतालको दररेटअनुसार सम्झौता गर्न माग गरेको थियो तर सुनुवाई नभए पछि उसले उक्त कार्यक्रम बन्द गर्न लागेको हो । मासिक ४ देखि ५ करोडको बीमा क्लेम हुने तर डेढदेखि २ करोड दाबी अस्वीकृत हुने गरेको र विगत २ वर्षदेखि अस्पतालको दररेटलाई मान्न आग्रह गर्दा पनि सुनुवाइ नभएको अस्पतालले जनाएको छ ।
बिज्ञापन
बीमा बोर्डको कमजोर व्यवस्थापन, समयमै भुक्तानी नहुनु र दीर्घकालीन समस्या समाधानमा नेतृत्व असफल भएपछि मुलुककै प्रमुख सरकारी स्वास्थ्य संस्था त्रिभुवन विश्वविद्यालय शिक्षण अस्पताल (टिचिङ अस्पताल) ले स्वास्थ्य बीमा कार्यक्रमबाट बाहिरिने निर्णय गरेको थियो । यस्तै पाटन अस्पताललाई करिब ६३ करोड रुपैयाँ भुक्तानी पाउन बाँकी छ भने गंगालाल लगायतका अन्य अस्पतालले समेत यो प्रक्रियाबाट बाहिरिने तयारी गरिरहेको समयमा कार्यकारी निर्देशक काफ्लेले राजीनामा दिएका हुन । हाल स्वास्थ्य वीमा बोर्डको अध्यक्षमा चन्द्र थापा र कार्यकारी निर्देशक रघुराज काफ्ले छन्। तनहुँका काफ्लेलाई तत्कालीन स्वास्थ्यमन्त्री प्रदीप पौडेलको पालामा बोर्डमा नियुक्ति दिलाएका थिए ।
उनले स्वास्थ्य मन्त्रालयमार्फत् प्रधानमन्त्री समक्ष राजीनामा दिएका हुन् ।
